Coaching á debojëgn de na filosofia, y iö n’á na mia daldöt personala. Mia manira de ponsé é ponsada fora bun y vá sot. N elemënt essenzial dla filosifia aziendala é la etica. Iö sun dagnora responsabl defrunt a mi coachee. Iö mëss sambëgn tigní ite le socrët profescional. Implü sunsi responsabl da nia ti fá de dann a mi coachee. Baldi vëgn le conzet coaching strabacé y iö ne feji nia pert de chël scenar olá che i prozesc dl coaching s’orientëia a metodes y manires de ponsé esoteriches. Al é por me na importanza fondamentala da sotlinié che iö me tëgni a metodes olá che le suzes de süa adoranza é scientificamënter documenté. La porsona é por me na creatöra globala. Porchël laori sistematicamënter y orientada ai valurs. Chësc ó dí che i á la competënza y la responsabilité por le prozes tl coaching che tö fajaras te mia presënza. Mët en pratica les propostes, i impulsc y les mudaziuns é indere tüa responsabilité.

Le „St. Galler Coaching Modell” y la “Schematherapie“ do Jeffroy E. Young é dui pilastri fondamentai de mi repertore metodich. Deache empiria y desmostraziun me stá dassënn a cör, ái ince slüt jö n Bachelor de psicologia.

I porti mi inom dla firma cun responsabilité.

Tl inom de mia firma él n movimënt laite. Vignöna dles trëi silbes stá por un n movimënt: ri - go - free. „ri“ ó dí zoruch, che stá por na vidlada zoruch, le sintí de ci che an á vit y le formulé dles esperiënzes passades. „go“ conësceste dal inglesc. Al ó sambëgn dí „jí“ y stá dantadöt por le movimënt da jí inant - le svilup, le fá vari inant y le jí cun coraje tl dagní. Tl lingaz dl Tibet ó dí „ri“ munt.

„free“ - é n conzet cun significac y interpretaziuns dër desvalis. Cun „free“ pënsi iö al lascé jö n pëis, le lauré sö situaziuns ries y le lascé ia de comportamënc che tëgn zoruch y de manires de ponsé negatives. Liberaziun ó di rové te na situaziun nöia y iniziala, da podëi delibré nostes ressurses y da vire deplëgn nostes poscibilités. Tl medemo momënt sunse tla condiziun da sintí nos instësc y da fá amizizia cun nos instësc – avisa do le pinsier dl filosof todësch Wilhelm Schmid. Y rodunt chësta é la premissa por incunté les porsones cun empatia, cun autentizité y cun comprenjiun. Chësta é la tle por na vita implenida – por la fortüna.

Mi curs dla vita n’é nia n fi cöce che vá roduntafora, mo na linia movimentada cun alc y basc. Le suzes profescional é n pilaster important dl’esistënza umana, mo ester se instësc, chël vëgn influenzé y formé da de plü faturs. Porchël cunti ince sö chiló d’atres tapes importantes, che á albü na gran importanza por mi svilup personal.

Sciöche ladin dla Val Badia tëgni mies sentades ince te mi lingaz dla uma. Mia patria é les Dolomites – y avisa te chëstes me sál le plü bel da fá mi mount slowdowns.