Öna na fondamënta de mia filosofia y de mia manira da ponsé, é de ester bogn da se fá demorvëia de nosta vita y de nosta manira de ester. La porsona é veramënter val’ de afascinant. Ince sce i miorun tresfora nosc bëgnester, alisirun y fajun jí plü debota prozesc y inventun mascins che nes tól jö laur, él dötaorela ciamó porsones che patësc por maraties psichiches y depresciuns. Al n’é nia saurí da porté ite te nosta vita plü lisirëza. Chësc ne gareta nia dagnora da su, almanco nia te na manira che döra. Le decurs di avenimënc vá tres plü debota y le stress vëgn tres maiú. Porchël aumentëia le prigo de n burn-out avisa ince tan co chël da vire dlungia nosta vita ia. Deache nosc ester é la cossa plü importanta y plü miracolosa che nos un, nen vara cun rigofree rodunt de chësc. Porchël stá "mindful slowdown" - deventé cosciënt y s’archité – pro me tl zënter.