Sce te tëgnes n biro dër daimpró al edl, spo sparësc sues contures tres deplü y al ne pé gnanca plü n biro. Al destürba indere le ciamp d’odüda y le limitëia. Al tira l’atenziun sön se y tól insciö energia …
Sce chësta vá inant por plü dî, te adatëieste te na manira o l’atra. Te aüses ai fis tacusc de chësta tëra d’aragn che se tiesc ite inanter i fis de tüa vita zënza che t’intënës. I fis tacusc se destënn dlungia i fis dla vita y se passenëia ite perfetamënter, insciö che tö vires inant tüa vita da vigni de. Cësta tëra te tól indere energia, che te mancia spo te n ater post. Tert o adora pól se formé chiló n büsc fosch y al pó ester che tö te stënti da nen gní fora da su.
Spo no aspeté. Scríeme o chërdeme sö. Ví da me o lásceme alsavëi olá ch’i pó gní a te ciafé. O ví cun me a fá na spazirada … o na jita sö por munt.
I t’acompagnëii sön döt le iade – impröma cina sö dala „ota“, olá che tö analisëies criticamënter y müdes tüa perspetiva. Spo sön la „piza”, da olá che la vidlada da lassö jö te pita tres na odüda straordinara na vijiun plü ampla de döt. Spo inant cina ala „ütia”, olá che te ciafes pesc y te pos te despié le ruchsoch pesoch. Y inultima te condüji indô zoruch tla vita da vigni de che te pos sëgn osservé y vire da na perspetiva daldöt nöia. Do le tru deboriada te sënteste plü lëde …
Stá chit y ciara te te. Té les destanzes dala vita da vigni de, chir vijiuns plü sotes y na comprenjun plü generala de tüa situaziun. Incunta te instës cun amur, dái coraje a tüa forza y mët en pratica la miú verjiun de te instës.
Dit plü avisa: zacai cun chël che te pos baié de döt zënza tëma da gní iudiché o valuté. I á studié psicologia, filosofia y teologia y lauré por tröc agn tl ciamp pedagogich. Mia buna cualité da ester bun da sostigní les porsones ái perfezioné tla formaziun de coach. I t’incunti lëde da iudizi y ala per – cun sensibilité y empatia. Mi laur se orientëia esclusivamënter a metodes profescionales scientificamënter legitimades. Chëstes me dëida da dé sostëgn te döt ci che stá a cör.
Porchël ne se limitëia rigofree nia a na linia de tematiches. Iö tëgni sides coachings tl setur de business y leadership co ince coachings te temesc privac. Che ara se trates dla surandada dla firma, n conflit tl team de tüa firma, na situaziun de familia o l’educaziun de tü mituns che te dá da ponsé: te vigni caje bastel sce tö es porsona – deache avisa sciöche porsona ói t’incunté. I te dëidi da stlarí tü conflic, da ti dé forza a tüa resiliënza y insciö da te stravardé da n burn-out. Da me impareste da te stimé, da t’orëi bun a te instës y da te porté ite por tüa sanité y por i valurs che t’é importanc por tüa vita.
Al é anfat ci che te stá a cör – sce ara nen vá de tüa contentëza sön le post de laur o de to svilup personal: tö ne mësses nia desfá da su le grop de tües domandes y porté da su tü fistidi y tü pëisc. Sciöche to coach sunsi to indicadú: i t’acompagnëii y te dëidi da ciafé to tru – y i te dá impara le coraje da le jí. Cal che é le dër post por fá chësc, é na dezijiun ch’i tolun deboriada. I un de plü poscibilités.
Tö as na firma y t’os alzé la motivaziun de tü dependënc? Ince te chësc caje é rigofree la dërta misciun! Te pos ince aposté coachings por te, por n’atra porsona cun inciaries diretives, por singui colaboradus y ince por döt le team!
I me conforti ala incuntada, olá che tö pos te daurí y iö pó te scuté sö.
Paul Felix Rigo
