mount pair slowdown
Le retreat tles Dolomites por copies
Pro le rigofree mount pair por copies me tiri zoruch tles Dolomites cun te y to partner por almanco n de. Te chisc caji vál debojëgn de plü tëmp – raport de per y relaziuns inanter porsones á dinamiches plü particolares y complesses – na escurjiun da ütia a ütia (Hüttenwanderung) foss dër da aconsié. Le pair slowdown coaching pó gní fat da vigni sajun.
Ciodí?
L’amur é öna dles plü beles cosses dla vita. La buna relaziun dá segurëza tla vita. Sce la vita de per é basada sön fidënza y sce an se sënt al sigü y se stá saurí, é chësc val’ che fej ince bun ala sanité psichica. Do da valgügn agn devënta la relaziun val’de ordinar y ne vëgn nia plü sintida sciöche val’che dá forza sciöche tl mëteman. L’amur á avisa tan debojëgn de gní coltivé sciöche l’amizizia y chël ó di imprömadedöt: passé tëmp deboriada. Avisa por chësc é le mount pair slowdown chiló: al dá forza y straverda da conflic. Lapró te dëidi te y to partner da mët en pratica cosses importantes tla vita da vigni de y insciö ti dé dorada a osc raport. Comunicaziun, valurs deboriada, tigní ite regoles concordades y respet é i pilastri da chi che le bel palaz dal inom fidënza vëgn porté. Tres na formaziun fondada sunsi ince porsona de referimënt sce ara nen vá de conflic inanter relaziuns d’amur y de per. Sciöche acompagnadú d’escurjiun pói te condüje bun y sigü fora por le Dolomites.