mount lead slowdown

Le retreat leadership por manager, porsones cun inciaries dirigenziales y te chestiuns comerziales: davagna destanza, pëia ia y descür trus y posć nüs – daite y ince defora. Punc d’odüda nüs y poscibilités nöies t’aspeta. N slowdown pó döré ma püces ores o ince n valgügn dis. Le dër momënt pó gní chirí fora döt l’ann.

Cambiamënt dirigenzial, surantuta de na posiziun nöia, forsc cun compic importanc y cun plü responsabilité, lizenziamënc, conflic interns, surandada dla firma, mudamënt de generaziun … temesc nia saurisc da afronté él te vigni firma. Sce an ne ciafa nia na soluziun, pó chisc problems avëi conseguënzes negatives tl’andamënt. Nia ma l’andamënt dl laur da vigni de nen patësc, mo ince döt le team. Chësc pó ince porté a danns por le volum d’afars. Le retreat rigofree tles Dolomites á na faziun preventiva y pó ince porté atira n aiüt te situaziuns de crisa.

Chestiuns comerziales pó gní tratades dër bun te nostes munts. Canche ara nen vá de domandes importantes, s’á porsones bele pü iadi trat zoruch tl chît dles munts. Iö sun ince acompagnadú d’escurjiun y pó porchël t’acompagné dër bun. Les Dolomites é cun sües belëzes n post ideal.

Le coaching pó ince gní lié a na vacanza. Le mount lead slowdown pó avëi na dorada desvalia: da valgünes ores o n de cina a valgügn dis cun sté suranöt te na ütia, döt é poscibl. Iö sun flessibl y m’adatëii a tü debojëgns.